გამბიის პარლამენტმა ქალების წინადაცვეთის ტრადიცია აკრძალა. კანონის დამრღვევს ჯარიმის სახით 50 000 დალასის ($ 1,250) გადახდა ან სამ წლამდე პატიმრობა ემუქრება. იმ შემთხვევაში თუ აქტის შემდეგ გოგონა გარდაიცვლება, პირს სამუდამო პატიმრობა მიესჯება.

ნოემბერში გამბიის პრეზიდენტმა იაჰია ჯამემ გოგონების წინადაცვეთა საჯაროდ დაგმო და აღნიშნა, რომ მსგავსი პრაქტიკა ყურანში ნახსენები საერთოდ არ არის.

ქალების წინადაცვეთის ტრადიცია თითქმის ნახევარზე მეტ აფრიკის ქვეყნებშია გავრცელებული. მკვლევრების აზრით, ეს ადათი ძველი ეგვიპტიდან მოდის, როდესაც ფარაონები, ომში წასვლის წინ, ცოლებს ღალატის თავიდან აცილების მიზნით ასაჭურისებდნენ. წინადაცვეთის სამი წესი არსებობს:

ა. ფარაონული წესი ითვალისწინებს კლიტორის, დიდი და პატარა ბაგეების მოკვეთას და საშარდე მილამდე ჩაკერვას.
ბ. საშუალო წესი იმეორებს ფარაონის წესს, მხოლოდ აქ დიდი ბაგეების მოკვეთა არ ხდება.
გ. შედარებით მარტივი ფორმა, რომელიც მხოლოდ კლიტორის მოჭრას და მის გადაკერვას ითვალისწინებს.

წინადაცვეთა ჩვეულებრივ 4-10 წლამდე ასაკის გოგოებში რიტუალის ფონზე კეთდება. აფრიკის სოფლებში ოპერაციას გალესილი ქვით სამედიცინო განათლების არმქონე ქალები აკეთებენ გამაყუჩებლების, ანესთეზიისა და ყოველგვარი სანიტარული ნორმების დაცვის გარეშე. ამის გამო ხდება ინფექციის შეჭრა, სისხლდენა, სისხლის მოწამვლა, რაც ხშირად გოგონების სიკვდილით მთავრდება. გადარჩენილ გოგონებში წინადაცვეთა სერიოზულ ფსიქოლოგიურ და ემოციურ პრობლემებს იწვევს.

წინადაცვეთის ტრადიციას არაბულ ქვეყნებში ღრმა სოციალური მნიშვნელობა აქვს და პირდაპირ დაკავშირებულია გოგონების გათხოვების უფლებასთან. გამბიელი გოგონების თითქმის 80 % დაცვეთილია.

გამბია 27-ე სუბ-საჰარული აფრიკის ქვეყანაა, რომელშიც ქალთა წინადაცვეთა კანონმდებლობითაა აკრძალული, თუმცა მისი აღსრულება პროვინციებსა და სოფლებში ამ ქვეყნებისთვის კვლავ დიდ გამოწვევად რჩება.

(C) ’17 მაისის’ მასალების გამოყენების პირობები იხილეთ აქ

2 Comments

  1. vai tkvens patrons raaa sashineli xalxi……..

    Like

    პასუხი

დატოვე კომენტარი

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google+ photo

You are commenting using your Google+ account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s